આરોગ્ય.કૉમ - ગુજરાતી

Thursday, Nov 21st

Last update:04:36:36 AM GMT

મુખ્ય પાનુ અધ્યતન સમાચાર વર્ષ ૨૦૧૧ હેલ્થ રિપોર્ટ: ૬.૭૪ ટકા ગુજરાતીઓ હાર્ટઅટેકથી મરે છે

હેલ્થ રિપોર્ટ: ૬.૭૪ ટકા ગુજરાતીઓ હાર્ટઅટેકથી મરે છે

Print PDF
નાનાં શહેરો અને ગામડાંની સરખામણીમાં સાત મહાનગરમાં મોતનું પ્રમાણ ખૂબ ઊંચું સરકારના હેલ્થ વિભાગે સને ૨૦૦૯ દરમિયાન કરેલો સર્વે
હેલ્થ રિપોર્ટ: ૬.૭૪ ટકા ગુજરાતીઓ હાર્ટઅટેકથી મરે છે
દેશના સૌથી સમૃદ્ધ અને ઔદ્યોગિક ક્ષેત્રે આગલી હરોળના ગણાતા ગુજરાત રાજ્યમાં માનવ વિકાસ સૂચકાંક પૈકીના એક એવા આરોગ્ય ક્ષેત્રે છેલ્લા દસકામાં જડબેસલાક પરિવર્તન આવ્યું છે. શિક્ષણની સાથોસાથ લોકોમાં આરોગ્યની જાળવણી પ્રત્યેની જાગૃતિ પણ વધી છે. સ્પેશિયાલિસ્ટ અને સુપર-સ્પેશિયાલિસ્ટ ડોક્ટરો, દવાખાનાં અને હોસ્પિટલોનું પ્રમાણ વધ્યું છે, જેને કારણે લોકોની ઉંમરમાં પણ વધારો થયો છે.

તાજેતરમાં રાજ્યના આરોગ્ય વિભાગ દ્વારા કરાયેલા એક સર્વેના રિપોર્ટ મુજબ વર્ષ દરમિયાન રાજ્યમાં મરણ પામનારા કુલ લોકોમાં સૌથી વધુ ૩૮.૧ ટકા લોકો ૭૦થી વધુ વય જુથના હતા. એવી જ રીતે હાર્ટએટેક (હૃદય રોગ)થી મૃત્યુ પામનારાઓની સંખ્યા ૬.૭૪ ટકા તથા અન્ય (બીમારી સિવાયનાં) કારણોથી મૃત્યુ પામનારાનું પ્રમાણ ૮૩.૯૬ ટકા નોંધાયું હતું.

રાજ્યમાં વર્ષ દરમિયાન મરણનું સરેરાશ પ્રમાણ ૫.૫ ટકા નોંધાયું છે, જે અગાઉનાં વર્ષોની સરખામણીમાં સામાન્ય વધારો દર્શાવે છે. જો કે વસતીવધારા સહિતનાં કારણોસર હોઈ શકે છે. આરોગ્ય વિભાગના સર્વેમાં નોંધનીય બાબત એ સામે આવી છે કે સર્વેના વર્ષ ૨૦૦૯માં ગામડાંઓમાં મરણનું સરેરાશ પ્રમાણ ૪.૭ ટકા અને શહેરી વિસ્તારોમાં તે પ્રમાણ ૬.૯ ટકા નોંધાયું છે, એટલે કે રાજ્યના ગ્રામ્ય વિસ્તારો કરતાં શહેરી વિસ્તારોમાં મરણનું પ્રમાણ વધુ ઊંચું છે. આ માટે શહેરી વિસ્તારોમાં મરણ નોંધણી માટેની જાગૃતિને જવાબદાર માનવામાં આવી છે.

આશ્ચર્યની બાબત એ છે કે, નાનાં શહેરોની સરખામણીમાં રાજ્યનાં ૭ મહાનગરોમાં મરણનું પ્રમાણ વધુ ઊંચું જોવા મળ્યું છે અને એમાં પણ સૌરાષ્ટ્રની રાજકોટ, ભાવનગર, જુનાગઢ અને જામનગર મ્યુનિસપિલ કોર્પોરેશન વિસ્તારમાં તો અમદાવાદ, સુરત અને વડોદરા મ્યુનિસપિલ કોર્પોરેશન વિસ્તાર કરતાં વધુ ઊંચું મરણનું પ્રમાણ નોંધાયું છે.

ઉલ્લેખનીય છે કે આરોગ્ય વિભાગ માને છે કે રાજ્યનાં શહેરોમાં આરોગ્યવિષયક સવલતો અને મરણ નોંધણી સુવિધાઓ વધતાં મરણ નોંધણીમાં જાગૃતતા આવી છે. સર્વેના વર્ષ ૨૦૦૯માં સમગ્ર ગુજરાતમાં નોંધાયેલાં કુલ ૩,૧૭,૯૮૫ મરણ પૈકી ૬૧.૭ ટકા પુરુષ અને ૩૮.૩ ટકા મહિલાઓનાં મોત થયાં હતાં.

આપો આપનો મત
આર્થિક વિકાસની સાથે ગુજરાતીઓનું સરેરાશ આયુષ્ય પણ વધ્યું છે પરંતુ જીવનની ગુણવત્તા કદાચ નીચે ઉતરી હોય તેમ હ્રદયરોગ, ડાયાબિટિઝ, મેદસ્વિતા જેવી સમસ્યાઓ પણ લોકોમાં વધી રહી છે. આપના મતે આ પ્રકારના રોગોનું કારણ શું હોઈ શકે? ગુજરાતીઓની ખાન-પાનની શૈલી, બેઠાળું જીવન કે પછી કસરતનો અભાવ? આપનો મત અમને ચોક્કસ મોકલાવો.

Disclaimer: The news story on this page is the copyright of the cited publication. This has been reproduced here for visitors to review, comment on and discuss. This is in keeping with the principle of ‘Fair dealing’ or ‘Fair use’. Visitors may click on the publication name, in the news story, to visit the original article as it appears on the publication’s website.

Source:Divyabhaskar

Link to Aaraogya

મંતવ્ય

આ આપની સાઈટ છે, માટે આપણે સાથે મળીને તેમાં સુધારણા કરીયે. આપણા તરફથી પ્રતિક્રિયા અથવા મંતવ્ય આવકાર્ય છે. આપણે મળીને ઉત્તમ રાખીયે.

મંતવ્ય આવકાર્ય

Follow us